Dina tulisan samemehna diguar asal bangsa Arab tina hiji bangsa nu disebat bangsa Sam. Sairing jeung obahna zaman, tina bangsa Sam sumebar ka sakuliah jajirah hususna nu disebut jajirah Arab kiwari. Dumasar kana zaman heubeul sawatara rebuan taun saparantosana bangsa Sam paburencay.
Numutkeun Hamka sakumaha nu dicaritakeun, dina buku-buku tarikh (sajarah), yen bangsa Arab dibagi kana tilu bagean. Nyaeta, Arab Baidah, Arab Aribah, jeung Arab Mustaribah. Hal ieu dikuatkeun ku salah sahiji ahli riwayat Abdul Fidaa netelakeun bangsa Arab kabagi kana tilu bagean, nyaeta Baidah, Aribah dan Musta’ribah. Anapon Baidah nyaeta bangsa Arab zaman purbakala anu riwayatna meh hese deui diterangkeun deui, ngan aya saeutik tapak nu kapanggih laratanana nu saukur tapak lacak nu umurna geus kacida lilana. Arab Baidah nyaeta Arab Ad, Tsamud jeung Arab Jurhum nu munggaran. Ieu bangsa Arab Baidah raruntukanana geus hese ditalungtik deui kusabab geus tumpur.
Saeunggeus Jurhum nu munggaran, kakara muncul deui Jurhum nu kadua nu mangrupakeun katurunan Bani Qathan. Jurhum nu kadua ngajirim ngajadi Arab Ibrahim, nu datang ka wewengkon jajirah Arab mitembeyan ngadegkeun Ka’bah-sedengkeun budak Ibrahim nu sejenan ti katurunan Qahthan.
Kabehdieunakeun, datang oge Nabi Ibrahim ka Taneuh Arab sarua rek ngadegkeun Ka’bah. Budakna nu ngaran Ismail jatukrami ka budak awewe kaom Iba, sahingga katurunanana disebat Arab Musta’ribah nu hartina jalma sejen nu geus jadi bangsa Arab
Kaom Qahthan miboga dua katurunan nu gede nyaeta Himyar jeung Kahlan. Ti katurunan Himyar ngalahirkeun katurunan raja-raja nu marentah di nagri Yaman. Nu boga gelar tubba. Tubba teh sarua jeung gelar kisra di Parsi (Persia), negus di Habsy, jeung kaisar di Romawi.
Mun leuwih ti dua tubba disebat tahabiah (bentuk jamak). Sabagean deui nyaeta kaom Qhudha’ah nu ngawasa di nagri Syihr, sedengkeun sabagean deui nyaeta Bani Kilab nu dina mangsa harita geus lilla bumen-bumen hirup di nagri Daumatul Jandal, Tabuk jeung di sisi-sisi nagri Syam (Suriah). Sabagean lutik deui nyaeta Tanukh nu cicing di tebah kidul nagri Syam. Sabagean lutik deui nyaeta Juhaniah nu tumetep di kampung-kampung Taneuh Syam, ngan kabehdieunakeun diperuhkeun ku raja-raja Ghassan. Kelompok-kelompok leutik nu sejena, nyaeta Bani Nahd, Bani Uzrh, jeung Bani Syaban.
Ditempat sejen Kahlan oge paburencay jadi sababaraha suku (Kabilah) jeung paling mashur nyaeta Azad, Tha’i, Muzhaj, Hamdan, Kindan, Murad jeung Inmar. Kabilah Azad ngalahirkeun katurunan raja-raja Ghassan dina mangsa nu lila samemehna kungsi nagawasa nagri Syam. (Agung Ilham Setiadi)
Penulis merupakan ketua Yayasan Buana Varman Semesta (BVS). Adapun Yayasan Buana Varman Semesta (BVS) itu sendiri, memiliki ruang lingkup perhatian yang diwujudkan dalam tiga bidang, yakni: (1) pendidikan (Department of Education) dengan unit kerja utamanya yang diberi nama The Varman Institute – Pusat Kajian Sunda (2) Ekonomi (Department of Economy) dan (3) Geografi (Department of Geography) dengan unit kerja utamanya yang diberi nama PATARUMAN – Indigo Experimental Station.
Pada saat ini penulis tinggal di Perumahan Pangauban Silih Asih Blok R No. 37 Desa Pangauban Kecamatan Batujajar Kabupaten Bandung Barat Provinsi Jawa Barat (merangkap sebagai kantor BVS).
“Menulis untuk ilmu dan kebahagiaan,
menerbangkan doa dan harapan,
atas hadirnya kejayaan umat Islam dan bangsa Indonesia”.
